VISITATIO B. MARIÆ VIRGINIS
Duplex
In
occasione della festa della Visitazione della Beata Vergine Maria pubblichiamo
questo interessante ufficio.
AD
VESPERAS
Antiphona 1
|
I |
n splendoribus
sanctorum refulget Maria, cujus utero geritur Christus sacerdos in æternum.
2 Excelsus Dominus habitare fecit sterilem
in domo, matrem præcursoris Christi lætantem.
3 Lætata est virgo in his, quæ dicta sunt
ab Angelo, et ascendit in montana.
4 Fructus ventris virginalis est hereditas
sanctorum, adimplens bonorum desiderium.
5 Emisit verbum Maria, et liquefacta est anima Elizabeth,
flante Spiritu Domini.
Capitulum Cant. 2
|
S |
urge, propera, amica mea,
formosa mea, et veni, jam enim hiems transiit, imber abiit et recessit, flores
apparuerunt in terra: surge amica mea, speciosa mea, et veni.
Hymnus.
|
P |
ange
lingua gloriosæ
diei præconium
in qua matris generosæ
mundo fulget gaudium
perferentis copiosæ
salutis donarium.
Nobis datus et
formatus
in electa virgine
per infantem honoratus
ventre clausum fœminæ
novi lucem incolatus
grato pandit ordine.
Ab Angelo
salutata
in montana properat
præsens adest cum cognata
quæ mirans considerat
cur tam honorificata
Mater ad se venerat.
Decorata
virtutibus
et Christi præsentia
dulcisona fert auribus
sterilis præconia
quæ clamans altis vocibus
respondet magnalia.
O quam felix
et jocunda
est hæc visitatio
Elisabeth lætabunda
exsultat cum filio
dum fatur virgo fecunda
candidato lilio
Sempiternæ Trinitati
laus perennis gloriæ
quae sanctarum dignitati
tantum dedit gratiæ
nos ascribat civitati
cælitum et patriae. Amen.
℣. Benedicta tu in mulieribus. ℟.
Et benedictus fructus ventris tui.
Ad Magn. Ant. O quam suavis est spiritus Mariæ exultans in Deo salutari
suo, dum anima ejus magnificat Dominum, qui fecit sibi magna, respiciens humilitatem
ancillæ suæ: Ecce enim ex hoc beatam dicunt eam omnes generationes.
|
O |
Oratio.
mnipotens sempitérne Deus, ui mysterium incarnationis Filii tui ab Angelo nuntiatum
in visitatione Beatæ Mariæ per exultationem Johannis in utero et exclamationem matris
eius Elizabeth amplius manifestare dignatus es, concede propitius, ut assidua
visitatione tua consolemur et a cunctis periculis eruamur. Per eũdem.
Et fit comm. præcedentis; deinde Oct.;
deinde Ss. Processi et Martiniani.
AD MATUTINUM
Ad
Invitatorium ant. Salvatorem
adoremus, qui cognatis matribus * dedit
exultantibus gratiæ dulcedinem.
Hymnus.
|
S |
acris solemniis dat Virgo gaudia
Novis eloquiis reserans labia,
Deum magnificat humilis et pia,
Quam gratia vivificat.
Festi recolitur
dies laetissima,
Qua rite panditur salus uberrima,
Dudum veteribus per signa plurima
Sanctis ostensa patribus.
Post verbũ cœlicũ salubris foederis
Per os angelicum missum a superis,
Visitat proximam virgo prae ceteris
Se exhibens humillimam.
Rem admirabilem jam intellexerat,
Feminam sterilem, quae consenuerat,
Filium gerere, cui dignum duxerat
Laetam salutem promere.
Praecelsæ dominae
dũ vox insonuit,
Interno lumine Johannes claruit,
Exsultat gaudio, sanctus qui
meruit
Christum lavare fluvio.
Te trinũ Dñm unũque colimus,
Reginæ virginum meritis petimus:
Post vitæ terminũ duc nos, quo tendimus, Ad te datorem luminum. Amen.
In I Nocturno
Ant. 1. Quid
est homo, quod ejus memor es Domine, visitans eum in utero?
2 In sole posuit tabernaculũ
suũ, qui super montana luce clara effusit.
3 Ascendit in montem Domini mundissima corde et corpore
Virgo mater regis virtutum et gloriæ.
℣. Ave Maria gratia plena. ℟. Dominus tecum.
Lectiones ut in Br. Rom.
℟. j. Dixit
dominus ad Abraham: juxta condictum revertar ad te, et habebit Sarra filium, et
quare risit dicens: * Numquid ego paritura
sum anus? Numquid Deo est quidquam difficile? ℣. Mariæ
respondens angelus dixit : Ecce Elizabeth cognata tua et ipsa concepit filium
in senectte sua, quia non erit impossibile apud Deum omne verbum. Numquid.
℟. ij. Exurgens
Maria abiit in montana cum festinatione in civitatem Juda: * Et intravit in domum Zacharie et salutavit
Elizabeth. ℣. Os suum aperuit sapientiæ et
lex clementiæ in ore ejus. Et.
℟. iij. Sumpsit
Maria prophetissa soror Aaron tympanum egresseque sunt omnes mulieres post eam
cum tympanis et choris, quibus precinebat dicens: *
Cantemus domino, gloriose enim honorificatus est. ℣. Ait Maria Dei Genitrix:
Magnificat anima mea Dominum, et exultavit spiritus meus in Deo salutari meo. Cantemus.
Gloria. Cantemus.
In II Nocturno
Ant. 4. Audi
filia et vide: concupivit decorem tuum rex dominus deus tuus.
5 Sanctificavit in Maria
tabernaculum suum Altissimus.
6 In montibus sanctis gloriosa dicta sunt de te, Virgo
civitas Dei.
℣. Respexit Dominus. ℟.
Humilitatem ancillæ suæ.
Lectiones ut in Br. Rom.
℟. iv. Et
factum est, ut audivit salutationem Mariæ Elizabeth: *
Exultavit infans in utero ejus et repleta est Spiritu Sancto. ℣. Non enim habet amaritudinem conversatio illius
nec tedium convictus eius, sed letitiam et gaudium. Exultavit.
℟. v. Adoravit
Anna mater Samuelis et ait: Exultavit cor meum in Domino et exaltatũ est cor
meum in Deo meo: * Non est sanctus, ut est
dominus, et non est fortis sicut Deus noster. ℣. Confitetur Domino mater Jesu
dicens: Fecit mihi magna qui potens est, et sanctum nomen ejus. Non est.
℟.
vj. Elisabeth
exclamavit voce magna dicens : Benedicta tu inter mulieres et benedictus
fructus ventris tui. * Et unde hoc ut veniat
mater domini mei ad me? ℣. Venerunt mihi
omnia bona pariter cum illa innumerabilis honestas per manum illius. Et.
Gloria. Et.
In III Nocturno
Ant. 4. Annuntiate
salutare Domini in quo exultavit spiritus virginis.
5 Lux orta est puero in
maternis visceribus clauso, et rectis corde lætitia.
6 Notum fecit dominus salutare suum, dum Maria visitavit
Elizabeth.
|
V |
℣. Beata quæ credidisti. ℟. Perficientur in te quæ dicta sunt.
Lectiones ut in Br. Rom.
℟. vij. Habitavit
archa domini in domo Obethedon Gethei tribus mensibus: *
Et benedixit Dominus illum et omnem domum ejus propter archam Dei. ℣. Mansit autem Maria cum Elizabeth quasi tribus
mensibus in domo Zacharie. Et.
℟. viij. Curremus
in odorem unguentorum tuorum: introduxit me rex in cellaria sua, exsultabimus
et lætabimur in te: * Nardus mea dedit
odorem suavitatis. ℣. Abiit Maria cum
festinatione et exultans in Deo ait: respexit dominus humilitatem ancille sue. Nardus.
Gloria. Nardus.
Post ix. lectionem, Te Deum.
Ad Laudes
Antiphona 1
|
T |
estimonia divinorũ mirabiliũ in visitatone Mariæ claruerunt.
2 In conspectu Domini exultatione repletus
est Joannes clausus matris utero.
3 Illuminet vultum suum super
nos, qui suum illustravit precursorem.
4 Sancti et humiles benedicant Deũ, qui respexit humilitatem
ancillæ suæ.
5 Cantate domino in ecclesia sanctorum, filie Sion exultent
in rege suo.
Hymnus.
V erbum supernum prodiens
A fonte vivi luminis,
Homo factus est oriens
Intra uterum virginis.
Mox florens Jesse virgula
Progreditur a Nazareth,
Festinat Christi gerula
Ut videat Elisabeth.
Ferre salutem incipit,
Hanc sentit infra viscera,
Et jam ventura percipit,
Qui nondum vidit aëra.
Mater senior prædicat
Gestricem verbi cœlici,
Lilia junior explicat
Opus regis magnifici.
Haec quasi tribus
mensibus
Durat sanctarum concio,
In canticis suavibus
Gratulans Dei filio.
Uni trinoque gloriam
Laetis psallamus cordibus,
Qui benigne det venia
Mariæ servitoribus. Amen.
℣. Benedicta tu in mulieribus. ℟.
Et benedictus fructus ventris tui.
Ad
Bened. Ant. Tu puer
propheta Altissimi vocaberis, preibis enim ante faciem domini, parare vias ejus
ad danda scientiam salutis plebi eius in remissionem peccatorum eorum per
viscera misericordie Dei nostri, qui te in matris utero visitavit et
sanctificavit.
Oratio
ut in Vesperis. Comm. de Octava App. et de Ss. Processo et Martiniano.
IN II VESPERIS
Omnia
ut in I Vesperis, præter sequentem antiphonam.
Ad
Magnif. Ant. Magna
est misericordia Domini a progenie in progenies timentibus eum, que hodie
clarius effulget, dum virgo salvatorem, sterilis precurorem maternis gestantes
uteris glorificaverunt Deum in mirabilibus suis. Postquam
autem mansit Maria cum Elizabeth quasi tribus mensibus, reversas est in domum
suam.
Et fit comm. sequentis festi S. Heliodori
Ep., deinde S. Irenæi Ep. et Mart., deinde Octavæ App., deinde Translationis S.
Joannis Alexandrini.
Si noti come gli inni siano riscritture degli omonimi testi
eucaristici: Pange lingua ai Vespri, Sacris solemniis al
Mattutino e Verbum supernum prodiens ai Vespri.
Particolarmente pregevoli sono i Responsori, che evidenziano
i parallelismi tra Antico e Nuovo Testamento.
