Excerpta ex Pontificali Romano, et ad A.D. MMXXII accommodata
In Epiphania Domini, cantato Evangelio, Archidiaconus, sive aliquis Canonicus, vel Beneficiatus, aut alius, juxta consuetudinem loci, pluviali paratus ascendet ambonem, vel pulpitum, & ibidem, vel in alio loco, ubi cantari solet Evangelium, e vetusto Ecclesiæ sanctæ instituto publicabit Festa mobilia anni currentis, juxta infrascriptam formulam.
Noveritis, fratres carissimi, quod annuente Dei misericordia, sicut de Nativitate Domini nostri Jesu Christi gavisi sumus, ita et de Resurrectione ejusdem Salvatoris nostri gaudium vobis annuntiamus.
Die septima Februarij erit Dominica in Septuagesima.
Dies vigesima quarta ejusdem dies Cinerum, et initium jejunij sacratissimæ Quadragesimæ.
Undecima Aprilis sanctum Pascha Domini nostri Jesu Christi cum gaudio celebrabimus.
Die vigesima Maji erit Ascensio Domini nostri Jesu Christi.
Die trigesima ejusdem Festum Pentecostes.
Die vigesima octava Novembris Dominica prima Adventus Domini nostri Jesu Christi, cui est honor et gloria, in sæcula sæculorum. Amen.
Tabula conversionis pro novum kalendarium assequentibus:
Septuagesima = 7 febr. = 20 febr.
Cineres = 24 febr. = 9 mar.
Pascha = 11 apr. = 24 apr.
Ascensio = 20 maj. = 2 jun.
Pentecost. = 30 maj. = 12 jun.
Adventus = 28 nov. = 11 dec.
Nessun commento:
Posta un commento